सावित्रीबाई फुले स्कॉलरशिप 2023 | Savitribai Phule Scholarship 2023: ऑनलाइन अर्ज, पात्रता, अंतिम तारीख, संपूर्ण माहिती

क्रांतीज्योती सावित्रीबाई फुले अर्थसहाय्य योजना 2023 महाराष्ट्र | सावित्रीबाई फुले स्कॉलरशिप 2023 मराठी | Savitribai Phule Scholarship 2023, Online Application, Last Date | सावित्रीबाई फुले स्कॉलरशिप, ऑनलाइन अर्ज, पात्रता, अंतिम तारीख, संपूर्ण माहिती मराठी | Savitribai Phule Scholarship PDF | राजर्षी छत्रपती शाहू महाराज शिष्यवृत्ती योजना | Savitribai Phule Scholarship Yojana Maharashtra | सावित्रीबाई फुले स्कॉलरशिप 2023 महाराष्ट्र 

सावित्रीबाई फुले या महाराष्ट्रातील शिक्षिका, भारतीय समाजसुधारक, शिक्षणतज्ज्ञ आणि कवयित्री होत्या. महाराष्ट्रात त्यांचे पती ज्योतिबा फुले यांच्यासोबत त्यांनी भारतातील महिलांचे अधिकार सुधारण्यात महत्त्वाची भूमिका बजावली. त्या भारताच्या स्त्रीवादी चळवळीच्या प्रणेत्या मानल्या जातात. सावित्रीबाई आणि ज्योतिबा यांनी मिळून 1848 मध्ये भिडेवाडा येथे पुण्यातील सुरुवातीच्या आधुनिक भारतीय मुलींच्या शाळेची स्थापना केली. त्यांनी जात आणि लिंगाच्या आधारावर लोकांमधील भेदभाव आणि अन्यायकारक वागणूक नाहीशी करण्याचा प्रयत्न केला.

महाराष्ट्र सरकार आपल्या राज्यामध्ये समाजातील सर्व स्तरांवर तसेच समाजातील सर्वच गटातील  विद्यार्थ्यांचे उच्च शिक्षणाचे स्वप्न पूर्ण करण्यासाठी आणि त्यांच्या उज्ज्वल भविष्यासाठी विविध सरकारी योजना सुरू करत आहे, या योजनांच्या माध्यमातून राज्यशासन या विद्यार्थ्यांसाठी कधी सरळ अनुदान देऊन तर कधी या विद्यार्थ्यांसाठी स्कॉलरशिपच्या स्वरुपात राज्यातील विद्यार्थ्यांची मदत करत असते त्यापैकी एक अशीच स्कॉलरशिप योजना म्हणजे सावित्रीबाई फुले शिष्यवृत्ती 2023 

आपल्या राज्यातील बहुतेक मागासवर्गीय कुटुंबे दारिद्र्यरेषेखालील जीवन जगत आहेत कारण त्यांच्याकडे रोजगाराचे कायमस्वरूपी साधन नाही आणि त्यामुळे ते त्यांच्या कुटुंबाच्या गरजा भागवू शकत नाहीत आणि त्याचबरोबर त्यांच्या मुलांचे उच्च शिक्षण देखील ते अशा परीस्थितीत पूर्ण करू शकत नाहीत. त्यामुळे शिकण्याची इच्छा असूनही, घरातील बिकट परिस्थितीमुळे बहुतेक तरुण/तरुणींना शिक्षणापासून वंचित राहावे लागते आणि त्यामुळे त्यांचा सामाजिक आणि आर्थिक विकास होत नाही. आजही समाजात मुलींना मुलांपेक्षा कमी महत्त्व दिले जात असल्यामुळे आणि आताही स्त्री भ्रूणहत्या होत असून त्यांच्या शिक्षणालाही फारसे महत्त्व दिले जात नाही व मुली उच्च शिक्षणापासून वंचित राहतात.

यामध्ये काही वेळा असे दिसून येते कि काही कुटुंबे आपल्या मुलांच्या शिक्षणासाठी चढ्या व्याजदराने कर्ज घेतात आणि कर्जाची वेळेवर परतफेड न केल्यामुळे त्यांना अनेक आर्थिक आणि मानसिक समस्यांना सामोरे जावे लागते. या सर्व बाबींचा विचार करून महाराष्ट्र शासनाने राज्यातील गरीब कुटुंबातील विद्यार्थ्यांसाठी सावित्रीबाई फुले शिष्यवृत्ती योजना सुरू करण्याचा महत्त्वपूर्ण निर्णय घेतला या योजनेला क्रांतीज्योती सावित्रीबाई फुले अर्थसहाय्य योजना असेही म्हणतात.

महाराष्ट्रातील गरीब अनुसूचित जाती प्रवर्गातील विद्यार्थ्यांना आर्थिक सहाय्य देऊन विद्यार्थ्यांची शैक्षणिक गुणवत्ता सुधारणे आणि त्यांची गुणवत्ता वाढवणे आणि त्यांना सर्वसामान्यांच्या शैक्षणिक स्पर्धेत टिकून राहण्यास सक्षम करणे हा या योजनेचा मुख्य उद्देश आहे.

{tocify} $title={Table of Contents}

सावित्रीबाई फुले अर्थसहाय्य योजना 2023 संपूर्ण माहिती 

राज्य सरकार समोरील मुख्य आणि महत्वपूर्ण आव्हान म्हणजे बेरोजगारी कमी करणे. बेरोजगारीचा सामना करण्यासाठी, तरुणांचा कौशल्य विकास करणे आवश्यक आहे, यामध्ये सरकारी संस्था सुशिक्षित व्यक्तींना मागणी-आधारित प्रशिक्षण प्रदान करतात, यासाठी सर्व जिल्ह्यांमध्ये प्राधान्य दिले जाते. याशिवाय, महाराष्ट्राच्या शिष्यवृत्तीची रचना जीवनाच्या सर्व स्तरांतील पात्र आणि गरीब विद्यार्थ्यांना आर्थिक पाठबळ देण्यासाठी तयार करण्यात आली आहे. देशातील दुसऱ्या क्रमांकाच्या साक्षरतेच्या दरासह, महाराष्ट्राने निःसंशयपणे शैक्षणिक हॉटस्पॉट म्हणून स्वतःची ओळख निर्माण केली आहे.

सावित्रीबाई फुले स्कॉलरशिप 

राज्यातील विद्यापीठ सलग्न महाविद्यालय किंवा विद्यापीठ विभागातील पदवी आणि पदव्युत्तर अव्यावसायिक अभ्यासक्रमांना प्रवेश घेतलेल्या आर्थिकदृष्ट्या कमकुवत आणि समाजातील दुर्बल घटक, गुणवत्ताधारक मागवर्गीय विद्यार्थ्यांसाठी विद्यापीठामार्फत हि महत्वपूर्ण शिष्यवृत्ती किंवा दुसऱ्या शब्दात अर्थसहाय्य योजना सुरु करण्यात आल्या आहेत, या योजनांच्या अंतर्गत शैक्षणिक वर्ष 2022 -23 या अभ्यासक्रमाच्या वर्षात प्रवेश घेणाऱ्या विद्यार्थी व विद्यार्थिनी यांचेकडून संबंधित महाविद्यालय किंवा विद्यापीठ विभाग यांच्यामार्फत ऑनलाइन पद्धतीने अर्ज मागविले जात आहे. तर मित्रांनो, आज आपण शासनाच्या या महत्वपूर्ण स्कॉलरशिप योजने संबंधित संपूर्ण माहिती पाहणार आहोत.

स्वाधार योजना 

सावित्रीबाई फुले स्कॉलरशिप 2023 Highlights 

स्योकॉलरशिप योजना	सावित्रीबाई फुले स्कॉलरशिप
व्दारा सुरु	महाराष्ट्र शासन
राज्य	महाराष्ट्र
अधिकृत वेबसाईट	https://bcud.unipune.ac.in/S
लाभार्थी	राज्यातील गरीब परिवारातील विद्यार्थी
विभाग	Savitribai Phule Pune University,
उद्देश्य	गरीब विद्यार्थ्यांना त्यांचे उच्च शिक्षण पूर्ण करण्यासाठी आर्थिक मदत प्रदान करणे
स्कॉलरशिप	16,000/- रुपयांपर्यंत शिष्यवृत्ती
अर्ज करण्याची पद्धत	ऑनलाइन
श्रेणी	शिष्यवृत्ती योजना
वर्ष	2023

मुखमंत्री फेलोशिप योजना 

क्रांतीज्योती सावित्रीबाई फुले अर्थसहाय्य योजना 2023 अंतर्गत अर्थसहाय्य 

शैक्षणिक गुणवत्ता असूनही विद्यार्थी शिक्षणापासून वंचित राहू नयेत, यासाठी पुणे विद्यापीठ विभागाने महाविद्यालये किंवा विद्यापीठ विभागातील गैर-व्यावसायिक अभ्यासक्रम शिकणाऱ्या विद्यार्थ्यांसाठी "क्रांती ज्योती सावित्रीबाई फुले अर्थसहाय्य योजना" सुरू केली आहे. या योजनेच्या माध्यमातून त्यांचे उच्च शिक्षण पूर्ण करण्यासाठी शिष्यवृत्तीद्वारे आर्थिक मदत दिली जाते.

शिक्षणाचा दर्जा असूनही विद्यार्थी शिक्षणापासून वंचित राहू नयेत, यासाठी विद्यापीठाकडून अर्थसहाय्य करण्यासाठी हि महत्वपूर्ण योजना लागू करण्यात आली आहे. या योजनेअंतर्गत संलग्न नियम व अटींनुसार, गैर-व्यावसायिक पदवी अभ्यासक्रमाच्या जास्तीत जास्त 10 विद्यार्थिनीसाठी आणि पदव्युत्तर अभ्यासक्रमाच्या जास्तीत जास्त 5 विद्यार्थिनींना रु.5000/- ची आर्थिक मदत या स्कॉलरशिपच्या माध्यमातून दिली जात आहे.

सावित्रीबाई फुले शिष्यवृत्ती योजनेचे उद्दिष्ट

सावित्रीबाई फुले शिष्यवृत्तीचा उद्देश

• सावित्रीबाई फुले शिष्यवृत्ती योजने अंतर्गत, या योजनेचा मुख्य उद्देश राज्यातील गरीब मागासवर्गीय  कुटुंबातील विद्यार्थ्यांना त्यांचे उच्च शिक्षण पूर्ण करण्यासाठी आर्थिक सहाय्य प्रदान करणे आहे.
• या शिष्यवृत्तीद्वारे देऊ केलेल्या दीर्घकालीन आर्थिक सहाय्याचा उद्देश आर्थिकदृष्ट्या दुर्बल कुटुंबातील हुशार आणि गुणवंत विद्यार्थ्यांना प्रोत्साहन देणे आणि त्यांच्या उज्ज्वल आणि सुरक्षित भविष्याचा पाया घालण्यात मदत करणे हा आहे.
• या योजनेचा मुख्य उद्देश समाजातील ज्या विद्यार्थ्यांना त्यांचे शिक्षण घेणे परवडत नाही त्यांना शिष्यवृत्तीची संधी उपलब्ध करून देणे हा आहे जेणेकरून ते त्यांचे उच्च शिक्षण पूर्ण करू शकतील.
• राज्यातील विद्यार्थ्यांचा सामाजिक आणि आर्थिकदृष्ट्या विकास करणे आणि त्यांना स्वावलंबी बनविणे.
• राज्यातील विद्यार्थ्यांना त्यांचे उच्च शिक्षण पूर्ण करण्यासाठी स्वावलंबी बनवणे.
• या योजनेच्या मदतीने राज्यातील विद्यार्थ्यांचे जीवनमान उंचावेल आणि सुधारेल.

प्रधानमंत्री छात्रवृत्ति योजना 

सावित्रीबाई फुले स्कॉलरशिप 2023: क्रांतीज्योती सावित्रीबाई फुले आर्थिक सहाय्य योजनेच्या अटी व शर्ती

क्रांतीज्योती सावित्रीबाई फुले अर्थ सहाय्य योजनेच्या अटी व शर्ती खालीलप्रमाणे असतील 

• गैर-व्यावसायिक पदवी अभ्यासक्रमांमध्ये शिकणारे कमाल 10 विद्यार्थी आणि महाविद्यालये किंवा विद्यापीठांमधील गैर-व्यावसायिक पदव्युत्तर अभ्यासक्रमांमध्ये जास्तीत जास्त 05 विद्यार्थी क्रांतीज्योती सावित्रीबाई फुले आर्थिक सहाय्य योजनेसाठी पात्र असतील.
• यामध्ये पात्र विद्यार्थिनीस रु.5000/- ची आर्थिक मदत दिली जाईल.
• विद्यार्थिनींच्या पालकांचे वार्षिक उत्पन्न रु.2,50,000/- पेक्षा जास्त नसेल यासाठी संबंधित तहसीलदाराचे प्रमाणपत्र आवश्यक असेल.
• ही आर्थिक मदत पात्र विद्यार्थिनींना संपूर्ण पदवीपूर्व आणि पदव्युत्तर कालावधीत एकदाच दिली जाईल.
• यासाठी विद्यार्थिनीने मागील समीप परीक्षेत किमान 50% गुण मिळवलेले असावेत. 50 टक्क्यांपेक्षा जास्त गुण मिळविणाऱ्या विद्यार्थिनीचा गुणवत्तेनुसार विचार केला जाईल.
• विद्यार्थिनीने महाविद्यालय किंवा विद्यापीठाच्या शैक्षणिक विभागात नियमित अभ्यासक्रमात प्रवेश घेतला पाहिजे.
• विद्यार्थिनीने व्यावसायिक अभ्यासक्रमासाठी प्रवेश घेतलेला नसावा.
• नियमित अभ्यासक्रमात विद्यार्थिनीची उपस्थिती किमान 75% असणे आवश्यक आहे. या संदर्भात, प्राचार्यांनी प्रमाणपत्र देणे आवश्यक असेल,
• या योजनेच्या कालावधीत विद्यार्थीनी कोणतीही पगाराची नोकरी स्वीकारू शकत नाहीत.
• विद्यार्थिनीला गैरवर्तन/नैतिकता/परीक्षेतील गैरव्यवहार इ. शिक्षा होऊ नये.
• आर्थिक सहाय्यासाठी विद्यार्थिनीच्या शैक्षणिक प्रगतीसह इतर क्रियाकलापांमध्ये सहभाग उदा. खेळ, समाजसेवा, कला इत्यादींचा विचार केला जाईल.
• विद्यार्थिनींने त्यांच्या बँक खात्याच्या तपशीलांचा संपूर्ण तपशील प्रदान करणे आवश्यक आहे. उदा. बँकचे नाव, पत्ता, खाते क्रमांक (MICR कोड आणि IFSC कोड) इत्यादी संपूर्ण आवश्यक माहिती 
• ही योजना सरकारच्या शिष्यवृत्ती योजनेचा लाभ मिळवणाऱ्या विद्यार्थिनीला लागू होणार नाही. या संदर्भात संबंधित संबंधित विद्यार्थीनी आणि प्रचार्य यांनी संयुक्त हमीपत्र देणे आवश्यक असेल.

बेगम हजरत महल नेशनल स्कॉलरशिप  

सावित्रीबाई फुले शिष्यवृत्तीची वैशिष्ट्ये

सावित्रीबाई फुले शिष्यवृत्तीची वैशिष्ट्ये खालीलप्रमाणे असतील 

• महाराष्ट्र राज्यातील गरीब मागासवर्गीय कुटुंबातील विद्यार्थ्यांसाठी ही अतिशय महत्वपूर्ण योजना आहे, जी सावित्रीबाई फुले विद्यापीठ पुणे यांनी सुरू केली आहे.
• या योजनेसाठी अर्ज करण्याची प्रक्रिया ऑनलाइन आणि सोपी केली गेली आहे, जेणेकरून अर्जदार विद्यार्थ्याला कार्यालयात जाण्याची गरज भासणार नाही त्यामुळे त्यांचा वेळ आणि पैसा दोन्हीची बचत होण्यास मदत होईल.
• या योजनेतील लाभाची रक्कम थेट विद्यार्थ्याच्या बँक खात्यात जमा केली जाईल. यासाठी विद्यार्थी आणि प्राचार्यांनी यांनी संयुक्त हमीपत्र देणे आवश्यक असेल.
• शैक्षणिक गुणवत्ता असूनही राज्यातील विद्यार्थिनी उच्च शिक्षणापासून वंचित राहू नये यासाठी पुणे विद्यापीठाने हि महत्त्वपूर्ण शिष्यवृत्ती गैर-व्यावसायिक अभ्यासक्रम करत असलेल्या विद्यार्थिनींसाठी सुरु केली आहे.

लोकशाहीर अण्णा भाऊ साठे आर्थिक दुर्बल घटक विद्यार्थी अर्थसहाय्य योजना   

लोकशाहीर अण्णा भाऊ साठे अर्थिक दुर्बल घटक विद्यार्थी अर्थ सहायता योजना संक्षिप्त माहिती 

समाजातील आर्थिकदृष्ट्या दुर्बल घटकातील गुणवंत आणि गरजू विद्यार्थ्यांसाठी ही आर्थिक मदत योजना विद्यापीठाने राबविली आहे. या योजनेअंतर्गत, गैर-व्यावसायिक पदवी अभ्यासक्रमाच्या जास्तीत जास्त 20 विद्यार्थ्यांना आणि पदव्युत्तर अभ्यासक्रमाच्या जास्तीत जास्त 10 विद्यार्थ्यांना अनुक्रमे रु.3000/- ची आर्थिक मदत दिली जाईल.

समाजातील आर्थिकदृष्ट्या दुर्बल घटकातील गुणवंत व गरजू विद्यार्थ्यांना उच्च शिक्षणापासून वंचित ठेवू नये म्हणून सावित्रीबाई फुले पुणे विद्यापीठाने महाविद्यालये किंवा विद्यापीठ विभागातील गैर-व्यावसायिक अभ्यासक्रम शिकणाऱ्या विद्यार्थ्यांसाठी लोकशाहीर अण्णा भाऊ साठे आर्थिकदृष्ट्या दुर्बल घटकातील विद्यार्थी आर्थिक मदत योजना सुरू केली आहे.

थेट कर्ज योजना महाराष्ट्र 

लोकशाहीर अण्णा भाऊ साठे आर्थिकदृष्ट्या दुर्बल घटकातील विद्यार्थी आर्थिक सहाय्य योजनेच्या अटी व शर्ती

लोकशाहीर अण्णा भाऊ साठे अर्थिक दुर्बल घटक विद्यार्थी अर्थ सहाय्य योजनेच्या अटी व शर्ती खालीलप्रमाणे असतील  

• महाविद्यालय/विद्यापीठ शैक्षणिक विभागातील गैर-व्यावसायिक पदवी अभ्यासक्रम शिकणारे कमाल 20 विद्यार्थी आणि गैर-व्यावसायिक पदव्युत्तर अभ्यासक्रम शिकणारे जास्तीत जास्त 10 विद्यार्थी या योजनेसाठी पात्र असतील.
• या योजनेंतर्गत पदवी आणि पदव्युत्तर अभ्यासक्रमांसाठी पात्र विद्यार्थ्यांना रु.3,000/- चे आर्थिक सहाय्य दिले जाईल.
• विद्यार्थ्याच्या पालकांचे (कुटुंबातील सर्व सदस्यांचे एकत्रित) वार्षिक उत्पन्न रु.2,50,000/- पेक्षा जास्त नसावे. त्यासाठी संबंधित तहसीलदारांचे अधिकृत प्रमाणपत्र आवश्यक असेल.
• विद्यार्थ्याने मागील समीप परीक्षेत किमान 65% गुण मिळवलेले असावेत.
• विद्यार्थ्याने महाविद्यालय/विद्यापीठाच्या शैक्षणिक विभागामध्ये नियमित अभ्यासक्रमात प्रवेश घेणे आवश्यक आहे.
• नियमित अभ्यासक्रमात विद्यार्थ्यांची किमान 75 टक्के उपस्थिती असणे आवश्यक आहे. या संदर्भात, प्राचार्यांनी प्रमाणपत्र देणे आवश्यक असेल.
• विद्यार्थ्याने व्यवसाय अभ्यासक्रमासाठी प्रवेश घेऊ नये.
• या योजनेच्या कालावधीत विद्यार्थी कोणतीही पगाराची नोकरी स्वीकारू शकत नाही.
• विद्यार्थ्याचे गैरवर्तन/नैतिकता/परीक्षेतील गैरव्यवहार इ. शिक्षा होऊ नये.
• विद्यार्थी हा भारतीय नागरिक असावा. त्यासाठी नागरिकत्वाचा पुरावा जोडणे आवश्यक असेल.
• विद्यार्थ्याने त्याच्या बँक खात्याची संपूर्ण माहिती देणे आवश्यक आहे. उदा. बँकेचे नाव, पत्ता, खाते क्रमांक (MICR कोड आणि IFSC कोड) इत्यादी संपूर्ण आवश्यक माहिती 
• संबंधित महाविद्यालयाचे प्राचार्य हे विद्यापीठाचे मान्यताप्राप्त किंवा प्रभारी प्राचार्य म्हणून अधिकृत असावेत.
• योजनेंतर्गत पात्र विद्यार्थ्याला ही आर्थिक मदत संपूर्ण अभ्यासक्रमात एकदाच देण्यात येईल.
• हि योजना शासकीय शिष्यवृत्ती योजनेचा लाभ घेणाऱ्या विद्यार्थ्यांना लागू असणार नाही. या संदर्भात संबंधित विद्यार्थी आणि प्राचार्यांनी यांनी संयुक्त हमीपत्र देणे आवश्यक असेल.

बालिका समृद्धी योजना 

राजर्षी छत्रपती शाहू महाराज शिष्यवृत्ती योजना

राजर्षी छत्रपती शाहू महाराज शिष्यवृत्ती योजना संक्षिप्त माहिती 

सदर शिष्यवृत्ती योजना मागासवर्गीय व गुणवंत व गरजू विद्यार्थ्यांसाठी विद्यापीठाने लागू केली आहे. ही योजना केवळ मागासवर्गीय विद्यार्थ्यांसाठी लागू आहे आणि पदवी आणि पदव्युत्तर अव्यावसायिक अभ्यासक्रमांसाठी (सर्व संलग्न महाविद्यालये आणि विद्यापीठ विभागांकडून एकत्रित) प्रवेश घेतलेल्या विद्यार्थ्यांचे अर्ज गुणवत्तेच्या आधारावर विचारात घेतले जातील. त्यापैकी 48% मागासवर्गीय विद्यार्थ्यांचा त्यांच्या एकूण गुणवत्तेनुसार विचार केला जाईल आणि उर्वरित 52% विद्यार्थ्यांचा विचार त्या त्या प्रवर्गासाठी लागू असलेल्या आरक्षणाच्या टक्केवारीच्या आधारे गुणाक्रमे केला जाईल. राजर्षी छत्रपती शाहू महाराज शिष्यवृत्ती योजना, पदवी व पदव्युत्तर अभ्यासक्रमातील योजनेला पात्र विद्यार्थ्यांना खालील निकषांनुसार लागू होईल.

पदवी अभ्यासक्रम 

शाखा	शिष्यवृत्ती रक्कम	विद्यार्थी संख्या
कला	6000/-	470
वाणिज्य	6000/-	470
विज्ञान	10,000/-	470

पदव्युत्तर अभ्यासक्रम 

शाखा	शिष्यवृत्ती रक्कम	विद्यार्थी संख्या
कला	8000/-	300
वाणिज्य	8000/-	300
विज्ञान	16,000/-	300

राजर्षी छत्रपती शाहू महाराज शिष्यवृत्ती योजना अंतर्गत अटी व शर्ती

राजर्षी छत्रपती शाहू महाराज शिष्यवृत्ती योजनेच्या अटी व शर्ती खालीलप्रमाणे असतील 

• राजर्षी छत्रपती शाहू महाराज शिष्यवृत्ती योजना फक्त मागासवर्गीय विद्यार्थ्यांसाठी खुली असेल.
• या शिष्यवृत्ती योजनेंतर्गत उत्पन्नाची कोणतीही अट असणार नाही फक्त गुणवत्ता हाच निकष असेल.
• या योजनेंतर्गत मागासवर्गीय विद्यार्थ्यांनी मागील समीप परीक्षेत किमान 60% गुण मिळवलेले असावेत.
• पात्र विद्यार्थ्यांचे वय पदवी अभ्यासक्रमासाठी 25 वर्षांपेक्षा जास्त नसावे आणि पदव्युत्तर अभ्यासक्रमासाठी 30 वर्षांपेक्षा जास्त नसावे.
• या शिष्यवृत्ती योजनेंतर्गत लाभ विहित केलेल्या विद्यार्थी संख्येनुसार देण्यात येणार असून त्यापैकी 48 टक्के विद्यार्थ्यांना गुणवत्तेनुसार (मागासवर्ग प्रवर्गातील सर्व विद्यार्थ्याची एकत्रित गुणवत्ता विचारात घेऊन) आणि  उर्वरित 52 टक्के गुणवत्ताधारक मागासवर्गीय विद्यार्थ्यांना त्या त्या प्रवर्गासाठी शासनाने निर्धारित केलेल्या आरक्षणाच्या टक्केवारीनुसार शिष्यवृत्ती लाभ देण्यात येणार आहे.
• यामध्ये विद्यार्थ्याने व्यावसायिक अभ्यासक्रमासाठी प्रवेश घेऊ नये.
• विद्यार्थ्याने महाविद्यालय/विद्यापीठाच्या शैक्षणिक विभागातील नियमित अभ्यासक्रमात प्रवेश घेणे आवश्यक आहे.
• प्राचार्यांनी नियमित अभ्यासक्रमात विद्यार्थ्यांची किमान 75% उपस्थिती असणे आवश्यक असल्याचे प्रमाणपत्र जारी करणे आवश्यक आहे.
• सर्व गैर-व्यावसायिक अभ्यासक्रमातील विद्यार्थ्यांचा गुणवत्तेच्या आधारावर शिष्यवृत्तीसाठी विचार केला जाईल.
• विद्यार्थ्यांला गैरवर्तन/नैतिकता/परीक्षेतील गैरव्यवहार इ. कारणांसाठी शिक्षा होऊ नये.
• विद्यार्थ्याने त्याच्या बँक खात्याची संपूर्ण माहिती देणे आवश्यक आहे. उदा. बँकेचे नाव, पत्ता, खाते क्रमांक (MICR कोड आणि IFSC कोड) इत्यादी संपूर्ण आवश्यक माहिती 
• संबंधित महाविद्यालयाचे प्राचार्य हे विद्यापीठाचे मान्यताप्राप्त किंवा प्रभारी प्राचार्य म्हणून अधिकृत  असावेत.
• ही आर्थिक मदत पात्र विद्यार्थ्याला संपूर्ण अभ्यासक्रमात एकदाच दिली जाईल.
• सदर योजना शासनाच्या शिष्यवृत्ती योजनेचा लाभ घेणाऱ्या विद्यार्थ्यांना लागू होणार नाही, संबंधित विद्यार्थी आणि प्राचार्यांनी यांनी यासाठी संयुक्त हमीपत्र भरणे आवश्यक आहे.

सीबीएससी सिंगल चाईल्ड स्कॉलरशिप योजना 

महात्मा जोतिराव फुले गुणवंत विद्यार्थी शिष्यवृत्ती योजना

महात्मा ज्योतिराव फुले गुणवंत विद्यार्थी शिष्यवृत्ती योजना संक्षिप्त माहिती 

गुणवंत विद्यार्थ्यांना प्रोत्साहन देण्यासाठी विद्यापीठाने महात्मा जोतिराव फुले गुणवंत शिष्यवृत्ती योजना सुरू केली आहे. पदवीपूर्व आणि पदव्युत्तर गैर-व्यावसायिक अभ्यासक्रमांमध्ये प्रवेश घेतलेल्या विद्यार्थ्यांच्या अर्जांचा (सर्व संलग्न महाविद्यालये आणि विद्यापीठ विभाग एकत्रितपणे) गुणवत्तेवर विचार केला जाईल. शिष्यवृत्ती योजना पदवी व पदव्युत्तर अभ्यासक्रमातील पात्र विद्यार्थ्यांना खालील निकषांनुसार लागू होईल.

पदवी अभ्यासक्रम 

शाखा	शिष्यवृत्ती रक्कम	विद्यार्थी संख्या
कला	6000/-	470
वाणिज्य	6000/-	470
विज्ञान	10,000/-	470

पदव्युत्तर अभ्यासक्रम 

शाखा	शिष्यवृत्ती रक्कम	विद्यार्थी संख्या
कला	8000/-	300
वाणिज्य	8000/-	300
विज्ञान	16,000/-	300

महात्मा जोतिराव फुले गुणवंत शिष्यवृत्ती योजनेच्या अटी व शर्ती

महात्मा ज्योतिराव फुले गुणवंत विद्यार्थी शिष्यवृत्ती योजना अटी व शर्ती खालीलप्रमाणे असतील 

• महात्मा जोतिराव फुले गुणवंत विद्यार्थी शिष्यवृत्ती योजना बिगर व्यावसायिक अभ्यासक्रमांच्या विद्यार्थ्यांसाठी राबविण्यात येत आहे.
• संबंधित योजनेसाठी उत्पन्नाची कोणतीही अट नसेल फक्त गुणवत्ता हाच एक निकष असेल.
• या योजनेचा लाभ घेण्यासाठी विद्यार्थ्याने मागील परीक्षेत किमान 70% गुण मिळवलेले असावेत.
• यामध्ये पात्र विद्यार्थ्यांचे वय पदवी अभ्यासक्रमासाठी 23 आणि पदव्युत्तर अभ्यासक्रमासाठी 25 पेक्षा जास्त नसावे.
• नियमित अभ्यासक्रमात विद्यार्थ्यांची किमान 75 टक्के उपस्थिती असणे आवश्यक आहे. या संदर्भात, प्राचार्यांनी प्रमाणपत्र देणे आवश्यक असेल.
• विद्यार्थ्याने महाविद्यालय/विद्यापीठ शैक्षणिक विभागात नियमित अभ्यासक्रमात प्रवेश घेतला पाहिजे.
• विद्यार्थ्याने व्यवसाय अभ्यासक्रमासाठी प्रवेश घेऊ नये.
• विद्यार्थ्याला अनियमितता/नैतिकता/परीक्षेतील गैरव्यवहार इ. कारणांसाठी शिक्षा व्हायला नको.
• विद्यार्थ्याने त्याच्या बँक खात्याची संपूर्ण माहिती देणे आवश्यक आहे. उदा. बँकेचे नाव, पत्ता, खाते क्रमांक (MICR कोड आणि IFSC कोड) इत्यादी संपूर्ण आवश्यक माहिती 
• विद्यार्थी हा भारतीय नागरिक असावा. त्यासाठी नागरिकत्वाचा साक्षांकित पुरावा जोडणे आवश्यक आहे.
• संबंधित महाविद्यालयाचे प्राचार्य हे विद्यापीठाचे मान्यताप्राप्त किंवा प्रभारी प्राचार्य म्हणून अधिकृत असावेत.
• सदर योजना शासकीय शिष्यवृत्ती योजनेचा लाभ घेणाऱ्या विद्यार्थ्यांना लागू होणार नाही. या संदर्भात संबंधित विद्यार्थी आणि प्राचार्यांनी यांनी संयुक्त हमीपत्र देणे आवश्यक आहे.

महाDBT स्कॉलरशिप 

स्वामी विवेकानंद विद्यार्थी सहाय्य योजना (पूरप्रवण, दुष्काळग्रस्त आणि आपत्तीग्रस्त भागातील विद्यार्थ्यांसाठी)

स्वामी विवेकानंद विद्यार्थी सहाय्य योजना संक्षिप्त माहिती 

काही ना काही कारणाने नैसर्गिक आपत्ती आल्यामुळे विद्यार्थ्यांना आर्थिक अडचणींना सामोरे जावे लागते. अशा वेळी अनेक विद्यार्थी उच्च शिक्षणापासून वंचित राहतात. अशा विद्यार्थ्यांना आर्थिक सहाय्य देण्याच्या उद्देशाने ही योजना 2020-21 या शैक्षणिक वर्षापासून नव्याने सुरू करण्यात आली आहे. पूरग्रस्त, दुष्काळग्रस्त आणि आपत्तीग्रस्त भागातील पदवी आणि पदव्युत्तर अभ्यासक्रमात प्रवेश घेतलेल्या एकूण 32,000 विद्यार्थ्यांना गुणवत्तेनुसार रु. 1,000/- ची आर्थिक मदत दिली जाईल.

स्वामी विवेकानंद विद्यार्थी सहाय्य योजना अटी व शर्ती 

स्वामी विवेकानंद विद्यार्थी सहाय्य योजना अटी व शर्ती खालीलप्रमाणे असतील 

• स्वामी विवेकानंद विद्यार्थी सहाय्य योजना व्यावसायिक आणि अव्यावसायिक पदवी आणि पदव्युत्तर अभ्यासक्रमांसाठी प्रवेश मिळविलेल्या विद्यार्थ्यांच्या गुणवत्तेच्या आधारावर लागू करण्यात येईल 
• या शिष्यवृत्ती योजनेंतर्गत पदवी आणि पदव्युत्तर अभ्यासक्रमामध्ये प्रवेश घेतलेल्या चारही विद्याशाखेतील प्रत्येकी आठ हजार विद्यार्थ्यांना गुणवत्तेच्या आधारावर 1000/- रुपये या प्रमाणे एकूण 32,000 विद्यार्थ्यांना आर्थिक सहाय्य देण्यात येणार आहे.
• एखाद्या विद्यार्थ्याने महाविद्यालय/विद्यापीठाच्या शैक्षणिक विभागात नियमित अभ्यासक्रमात प्रवेश घेतला पाहिजे.
• नियमित अभ्यासक्रमात विद्यार्थ्यांची किमान 75% उपस्थिती असणे आवश्यक आहे. यासंदर्भात प्राचार्यांनी  प्रमाणपत्र देणे आवश्यक असेल.
• पूरग्रस्त, दुष्काळग्रस्त आणि आपत्तीग्रस्त भागातील विद्यार्थी म्हणून, विद्यापीठ विभागाचे प्राचार्य/प्रमुख यांची शिफारस आवश्यक असेल.
• या योजनेच्या कालावधीत विद्यार्थी कोणतीही पगाराची नोकरी स्वीकारू शकत नाही.
• विद्यार्थ्याला अनियमितता/नैतिकता/परीक्षेतील गैरव्यवहार इ. कारणासाठी शिक्षा व्हायला नको आहे.
• विद्यार्थ्याने त्यांच्या बँक खात्याची संपूर्ण माहिती देणे आवश्यक आहे. उदा. बँकेचे नाव, पत्ता, खाते क्रमांक (MICR कोड आणि IFSC कोड) इत्यादी संपूर्ण आवश्यक माहिती 
• या संदर्भात विद्यार्थी आणि संबंधित प्राचार्यांनी यासाठी त्यांनी संयुक्त हमीपत्र देणे आवश्यक आहे.

सावित्रीबाई फुले स्कॉलरशिप 2023 योजने अंतर्गत महत्वपूर्ण मुद्दे 

महाराष्ट्र सावित्रीबाई फुले शिष्यवृत्ती योजना महत्वपूर्ण मुद्दे खालीलप्रमाणे आहेत 

• वरील शिष्यवृत्ती किंवा आर्थिक सहाय्य योजनेसाठी विहित तरतुदींनुसार नियम व अटींची पूर्तता करणाऱ्या विद्यार्थ्यांनीच अर्ज करावा.
• सदर योजना शासकीय शिष्यवृत्ती योजनेचा लाभ घेणाऱ्या विद्यार्थ्यांना लागू होणार नाही.
• निर्धारित टक्केवारीपेक्षा कमी शैक्षणिक गुण आणि A.T.K.T असलेल्या विद्यार्थ्यांनी अर्ज करू नये.
• क्रांती ज्योती सावित्रीबाई फुले आर्थिक सहाय्य योजना फक्त मुलींसाठी असून मुलांनी यासाठी अर्ज करू नये.
• राजर्षी छत्रपती शाहू महाराज शिष्यवृत्ती योजना ही केवळ मागासवर्गीय विद्यार्थ्यांसाठी असून खुल्या प्रवर्गातील विद्यार्थ्यांनी अर्ज करू नये.
• क्रांतीज्योती सावित्रीबाई फुले आर्थिक सहाय्य योजना आणि लोकशाहीर अण्णा भाऊ साठे आर्थिकदृष्ट्या दुर्बल घटक विद्यार्थी आर्थिक सहाय्य योजना या दोन्ही शिष्यवृत्ती पदवी कोर्ससाठी फक्त एक वेळ आणि पदव्युत्तर कोर्ससाठी फक्त एकदाच अर्ज करता येतात.
• राजर्षी छत्रपती शाहू महाराज शिष्यवृत्ती योजना आणि महात्मा जोतिराव फुले गुणवंत विद्यार्थी शिष्यवृत्ती योजना या दोन्ही शिष्यवृत्ती पदवी अभ्यासक्रमासाठी फक्त एक वेळ आणि पदव्युत्तर अभ्यासक्रमासाठी फक्त एकदाच अर्ज करता येतात.
• वरील शिष्यवृत्ती/आर्थिक सहाय्य योजनेचा लाभ विद्यार्थ्याला संपूर्ण पदवी कालावधीत एकदा आणि पदव्युत्तर कालावधीत एकदा दिला जात असल्याने, ज्या विद्यार्थ्यांनी अर्ज यापूर्वी शिष्यवृत्तीचा लाभ घेतला आहे त्यांनी पुन्हा अर्ज करू नये.
• अर्ज भरताना विद्यार्थ्यांनी त्यांना मिळालेल्या ग्रेड पॉइंटचा उल्लेख न करता टक्केवारीत नमूद करावा.
• विद्यार्थ्यांनी माहिती (ऑनलाइन) भरताना अचूक आणि पूर्णपणे भरावी.
• विद्यार्थ्याचे बचत खाते फक्त राष्ट्रीयीकृत बँकेत असावे.
• बँक तपशील भरताना, विद्यार्थ्यांनी अर्जामध्ये त्यांचे खाते असलेल्या राष्ट्रीयीकृत बँकेचे अद्ययावत तपशील योग्यरित्या नमूद केले पाहिजेत. शिष्यवृत्तीसाठी पालक किंवा इतर व्यक्तीचे बँक खाते विचारात घेतले जाणार नाही.
• ऑनलाइन अर्जासोबतच विद्यार्थ्यांनी अर्जासोबत आवश्यक कागदपत्रे अपलोड करावीत, इतर कोणतीही कागदपत्रे अपलोड करू नयेत.
• ऑनलाइन अर्जासोबत आवश्यक कागदपत्रे अपलोड करणे अत्यंत आवश्यक आहे
• मागील संलग्न अभ्यासक्रमाच्या विद्यार्थ्यांच्या गुणपत्रिकेची साक्षांकित प्रत
• तहसीलदारांनी जारी केलेले वार्षिक उत्पन्नाचे प्रमाणपत्र (क्रांतीज्योती सावित्रीबाई फुले आर्थिक सहाय्य योजना आणि “लोकशाहीर अण्णा भाऊ साठे आर्थिक दुर्बल घटकातील विद्यार्थी आर्थिक सहाय्य योजनेसाठी आवश्यक)
• राजर्षी छत्रपती शाहू महाराज शिष्यवृत्ती योजना, या शिष्यवृत्तीसाठी जात प्रमाणपत्र आवश्यक)
• राष्ट्रीयकृत बँक बचत खाते पासबुकची झेरॉक्स प्रत
• या शिष्यवृत्ती संबंधित हि महत्वपूर्ण माहिती विद्यार्थ्यांनी लक्षात ठेऊन पुढील प्रक्रिया करावी 

लेक लाडकी योजना महाराष्ट्र 

सावित्रीबाई फुले शिष्यवृत्ती योजना 2023 फायदे 

सावित्रीबाई फुले शिष्यवृत्ती काही लाभ खालीलप्रमाणे आहेत 

• सावित्रीबाई फुले शिष्यवृत्ती योजनेच्या मदतीने आर्थिकदृष्ट्या दुर्बल परंतू गुणवंत विद्यार्थी त्यांचे शिक्षण पूर्ण करू शकतात आणि जीवनात ते स्वतःची व त्यांच्या कुटुंबाची प्रगती करू शकतात 
• विद्यार्थ्यांना या स्कॉलरशिपमुळे त्यांचे शिक्षण पूर्ण करण्यासाठी कोणावरही अवलंबून राहण्याची गरज भासणार नाही आणि शिक्षणासाठी कोणाकडूनही जास्त व्याजावर कर्ज घेण्याची गरज नाही.
• या योजनेच्या माध्यमातून राज्यातील विद्यार्थी सक्षम आणि स्वावलंबी होतील.
• राज्यातील विद्यार्थ्यांचे जीवनमान सुधारण्यास मदत होईल आणि तसेच शिक्षणा संबंधित पुढील मार्ग सुविधापूर्ण होतील 
• या योजनेच्या मदतीने विद्यार्थी आपले शिक्षण पूर्ण करून भविष्यात स्वत:साठी चांगली नोकरी मिळवू शकतील किंवा शिक्षणाच्या मदतीने स्वत:चा उद्योग सुरू करून राज्यातील बेरोजगार नागरिकांना रोजगाराच्या नवीन संधी उपलब्ध करून देऊ शकतील या माध्यमातून राज्यातील बेरोजगारी काही प्रमाणात कमी होण्यास मदत होईल. 
• या योजनेच्या मदतीने विद्यार्थी त्यांचे शिक्षण पूर्ण करून स्वतःचा सर्वांगीण विकास करू शकतील.

सावित्रीबाई फुले शिष्यवृत्ती महत्वपूर्ण सूचना 

सावित्रीबाई फुले शिष्यवृत्ती योजना महाराष्ट्र अंतर्गत महत्वपूर्ण सूचना खालीलप्रमाणे आहेत 

• पात्र विद्यार्थ्यांनी वरील शिष्यवृत्ती/आर्थिक सहाय्य योजनेसाठी विहित नियम व अटी लक्षात घेऊन शासनाच्या अधिकृत वेबसाइटवर ऑनलाइन पद्धतीने अर्ज करणे आणि अर्जासोबत आवश्यक कागदपत्रे अपलोड करणे आवश्यक आहे.
• विहित नियमांनुसार, विद्यार्थी दोन शिष्यवृत्तीसाठी अर्ज करण्यास पात्र आहे आणि त्यामुळे जर त्याला एकापेक्षा जास्त शिष्यवृत्तीसाठी अर्ज करायचा असेल, तर विद्यार्थी अर्जातील योग्य दोन पर्याय एकाच वेळी निवडू शकतो.
• विद्यार्थ्यांनी ऑनलाइन सादर केलेल्या अर्जातील माहितीची संबंधित महाविद्यालय/विद्यापीठ विभाग काटेकोरपणे छाननी करेल आणि विहित मुदतीत ती विद्यापीठाला सादर करेल.
• वरील शिष्यवृत्ती/आर्थिक सहाय्य योजनेसाठी पात्र असलेल्या विद्यार्थ्यांनी शासनाने विहित केलेल्या वेळेत ऑनलाइन अर्ज करावा.
• या योजनेंतर्गत विद्यार्थ्यांचे अर्ज (हार्ड कॉपी) विद्यापीठ विभाग/महाविद्यालयाकडून स्वीकारले जाणार नाहीत.
• महाविद्यालय/विद्यापीठ विभाग विद्यार्थ्यांनी भरलेल्या अर्जांवर प्रक्रिया करेल आणि अंतिम मुदतीची वाट न पाहता ते विद्यापीठाला त्वरित ऑनलाइन पद्धतीने सादर करतील.
• विद्यार्थ्यांनी ऑनलाइन माहिती भरताना विद्यार्थ्याने दिलेली बँक संबंधित माहिती अचूक आणि काळजीपूर्वक भरावी.
• शिष्यवृत्ती/आर्थिक सहाय्य योजनेसाठी ऑफलाइन पद्धतीच्या अर्जाचा विचार केला जाणार नाही.

फ्री टॅबलेट योजना महाराष्ट्र  

सावित्रीबाई फुले स्कॉलरशिप योजना अंतर्गत आवश्यक कागदपत्रे

सावित्रीबाई फुले शिष्यवृत्ती योजनेअंतर्गत आवश्यक कागदपत्रे खालीलप्रमाणे असतील 

• विद्यार्थ्यांचे मागील लगतचे अभ्यासक्रमाच्या गुणपत्रिकेची साक्षांकित प्रत 
• तहसीलदाराने दिलेला वार्षिक उत्पन्न दाखला 
• जातीचा दाखला 
• आधार कार्ड
• शिधापत्रिका
• रहिवासी पुरावा
• मोबाईल नंबर
• ई-मेल आयडी
• मार्कलिस्ट
• बँक पासबुक
• पासपोर्ट आकाराचे छायाचित्र
• दुष्काळग्रस्त/पूरग्रस्त/आपत्तीग्रस्त/विभाग प्रमुख किंवा प्राचार्यांचे शिफारस प्रमाणपत्र

सावित्रीबाई फुले स्कॉलरशिप योजनेअंतर्गत अर्ज करण्याची प्रक्रिया

सावित्रीबाई फुले शिष्यवृत्ती ऑनलाइन नोंदणी प्रक्रिया खालीलप्रमाणे प्रक्रिया करून करता येईल 

• या योजनेंतर्गत अर्ज करण्यासाठी सर्व प्रथम अर्जदाराने सरकारच्या अधिकृत वेबसाइटला भेट दिली पाहिजे.

• तुम्हाला होम पेजवर New User वर क्लिक करून Login Id आणि Password तयार करावा लागेल.

• आता तुम्हाला तुमचे युजरनेम आणि पासवर्ड टाकून लॉग इन करावे लागेल.
• आता तुमच्या समोर एक नवीन पेज उघडेल आणि तुम्हाला Apply For scholarship बटणावर क्लिक करावे लागेल.

• आता Eligibility Number प्रविष्ट करा आणि शोध बटणावर क्लिक करा, जर तुम्ही प्रविष्ट केलेला पात्रता क्रमांक बरोबर असेल तर तो अर्ज उघडेल अन्यथा तो एक त्रुटी दर्शवेल.

• आता तुमच्या समोर एक नवीन पेज उघडेल ज्यामध्ये सावित्रीबाई फुले शिष्यवृत्ती योजना फॉर्म उघडेल ज्यामध्ये तुम्हाला सर्व आवश्यक माहिती भरायची आहे आणि त्यासोबत आवश्यक कागदपत्रे अपलोड करायची आहेत आणि त्यानंतर सबमिट बटणावर क्लिक करावे.

• आता तुम्हाला तुमचा भरलेला अर्ज दिसेल तुम्हाला तो प्रिंट करायचा आहे.
• अशा प्रकारे सावित्रीबाई फुले शिष्यवृत्ती योजनेअंतर्गत तुमची अर्ज प्रक्रिया पूर्ण होईल.

संपर्क तपशील 

अधिकृत वेबसाईट	इथे क्लिक करा
सावित्रीबाई फुले स्कॉलरशिप सर्क्युलर PDF	इथे क्लिक करा
अर्ज करण्यासाठी युजर मॅन्युअल	इथे क्लिक करा
संपर्क तपशील	Savitribai Phule Pune University, Pune – 411 007.
ई-मेल	[email protected]
महाराष्ट्र सरकारी योजना	इथे क्लिक करा
केंद्र सरकारी योजना	इथे क्लिक करा

निष्कर्ष 

शिष्यवृत्तीला आर्थिक सहाय्याचा प्रकार म्हणतात, जी विद्यार्थ्यांना पुढील शिक्षणासाठी आर्थिक सहाय्य आणि मानसिक प्रोत्साहन देण्यासाठी दिली जाते. ते पुरवण्याचा आधार प्रामुख्याने गुणवंत किंवा गरीब विद्यार्थ्यांचा असतो. याद्वारे गुणवंत विद्यार्थी ज्यांची आर्थिक परिस्थिती चांगली आहे, ते मोठ्या शाळेत शिक्षण घेऊ शकतात, तसेच ज्या विद्यार्थ्यांची आर्थिक परिस्थिती चांगली नाही, अशा विद्यार्थ्यांनाही या मदतीमुळे अभ्यासात कोणतीही अडचण येत नाही. ही एक प्रकारची मदत आहे, त्यामुळे शिक्षणासाठी घेतलेले कर्ज जिथे परत करावे लागते, तिथे ते परत करण्याची गरज नाही. पुढे योग्य पद्धतीने केलेला अभ्यास त्यांचा उद्देश पूर्ण करतात. या शिष्यवृत्ती देण्यामागचा एक उद्देश असा आहे की याद्वारे ते विद्यार्थी त्यांच्या क्षेत्रातील शैक्षणिक पातळी वाढवण्यासोबतच भविष्यात काही चांगले काम करतील.

सावित्रीबाई फुले स्कॉलरशिप 2023 FAQ

Q. सावित्रीबाई फुले स्कॉलरशिप काय आहे? 

शैक्षणिक गुणवत्ता असून देखील विद्यार्थीनी शिक्षणापासून वंचित राहू नये म्हणून पुणे विद्यापीठाने महाविद्यालये/विद्यापीठ विभागामध्ये अव्यवसायिक अभ्यासक्रमास शिक्षण घेत असलेल्या विद्यार्थीनींसाठी ''क्रांतीज्योती सावित्रीबाई फुले अर्थसहाय्य योजना'' सुरू केलेली आहे.या योजनेअंतर्गत पदवी व पदव्युत्तर अव्यवसायीक अभ्यासक्रमात प्रवेश घेतलेल्या आर्थिक दुर्बल घटक, गुणवत्ताधारक, मागासवर्गीय विद्यार्थ्यांना त्यांचे उच्च शिक्षण पूर्ण करण्यासाठी शिष्यवृत्तीची च्या माध्यमातून आर्थिक सहाय्य केले जाते.

महाराष्ट्रातील गरीब अनुसूचित जाती प्रवर्गातील विद्यार्थ्यांना आर्थिक सहाय्य देऊन विद्यार्थ्यांची शैक्षणिक गुणवत्ता सुधारणे त्याचबरोबर त्यांची गुणवत्ता वाढवणे आणि त्यांना सर्वसामान्यांच्या शैक्षणिक स्पर्धेत टिकून राहण्यास सक्षम करणे 

Q. सावित्रीबाई फुले शिष्यवृत्ती योजनेचे फायदे काय आहेत?

महाराष्ट्र राज्यातील मागासवर्गीय गरीब कुटुंबातील विद्यार्थ्यांना त्यांचे शिक्षण पूर्ण करण्यासाठी रु. 6000/- ते रु. 16,000/- पर्यंत आर्थिक मदत दिली जाते.

Q. सावित्रीबाई फुले शिष्यवृत्ती योजनेचे लाभार्थी कोण आहेत?

महाराष्ट्र राज्यातील मागासवर्गीय गरीब कुटुंबातील विद्यार्थी आणि विद्यार्थिनी सावित्रीबाई फुले शिष्यवृत्ती योजनेचे लाभार्थी आहेत.

Q.  सावित्रीबाई फुले शिष्यवृत्ती योजना कोणत्या राज्यात लागू आहे?

सावित्रीबाई फुले शिष्यवृत्ती योजना केवळ महाराष्ट्र राज्यासाठी लागू आहे.